Зөвлөгөө

Хэрхэн 2 минутын дотор унтах вэ?

Танд унтахад бэрхшээлтэй байна уу? Маш олон зүйлийг эргэцүүлэн бодож орондоо хөрвөөж байна уу? Шөнийн нойр нь эрүүл мэндэд нэн чухал юм. Та унтаж чаддаггүй сая сая хүмүүсийн нэг нь эсвэл зүгээр л хурдан унтахыг эрмэлзэж байгаа бол үүнийг уншина уу.

Хүн бүрийн унтахад зохих цаг ялгаатай байдаг. Нярай хүүхдүүд ихэнхдээ өдөржингөө унтдаг /~16 цаг/ бол өсвөр насныхан 9 цаг унтахад зохино. Харин насанд хүрсэн хүмүүс 7-8 цаг. Эрдэмтдийн судалгаагаар дэлхий дээрх нийт хүн амын 20 хувь нь нойрны асуудалтай байдаг ба нойргүйдлийн 70 гаран төрлүүд бий. Эрүүл унтах нь дархлааг сайн дэмждэг бөгөөд янз бүрийн өвчнөөс хамгаалдаг. Хэрэв та нойргүйдэх асуудалтай бол: гормоны өөрчлөлт, илүүдэл жин, ой санамж муудах, сэтгэлийн хямрал, толгойн өвчин зэрэгт нэрвэгдэх аюултай байдаг.

Агаарын болон далайн цэрэгт хэрэгжүүлдэг аргачлал нь таныг хурдан мөн илүү олон цаг унтахад тань туслах юм. Та өөрийгөө хаана ч байсан тэр дороо унтаж чадна гэж төсөөлж байна уу? Удаан нислэгийн турш, хүүхдүүд хажууд шаагилдаж байхад эсвэл зүгээр л юунд ч санаа зоволгүй сайхан унтаж амрах боломжтой болох юм.

Эрүүл нойр авснаар та ямар ч даалгаврыг хөнгөхөн биелүүлэх, стрессийг амжилттай даван туулах чадамжтай болохоос гадна маш их энергитэй байх болно. Хэцүү асуудлаас гарц олж эцэст нь амьдралд, хүмүүс эерэг зүйлсийг олж харах юм. Энэхүү аргачлалын дахин нэг давуу тал нь ор зайлшгүй байх шаардлагагүй юм. Нисэгчдийг энэхүү аргаар бэлдэх явцад тэд сандал дээр суудаг байжээ. Суухдаа тэд гараа өвдгөн дээрээ тавьж хамаг биеэ сулладаг байж. Шууд үр дүнгээ өгөхгүй байвал бүү санаагаар унаарай, нисгэгчид энэ аргачлалд 6 долоо хоног суралцаж гаргуу эзэмшсэн байдаг.

АНУ-н нисгэгчийн сургуульд нисгэгч хоногийн ямар ч үед, ямар ч нөхцөлд унтах чадвартай байх шаардлагатай байдаг байна. Энэхүү аргачлал нь 6 долоо хоногийн дадлагын дараа 96% нь амжилттай байдаг гэсэн үзүүлэлттэй.

Биеийн болон оюун санааны дасгалууд: Бүх биеийг ээлж ээлжээр сул тавина. Дараах 5 алхмыг биелүүлснээр та 120 секундийн дотор унтаж чадах юм.

  • Алхам нэг: Дээшээ харж хэвтэн нүүрний бүлчингуудийг сул тавина (хэл, эрүү, нүдний булчин г.м). Хэрэв та нүүрний булчиндаа ачаалал өгөх эсвэл хөмсгөө зангидах гээд байвал духны гол хэсгийг сул тавихад анхаарлаа хандуулна уу. Таны дух гөлгөр байх шаардлагатай. Мөн сонин сонсогдож магадгүй ч нүдний хүүхэн харааг мөн сул тавина уу.
  • Алхам хоёр: Мөрөө аль болох доошлуулна уу. Энэ нь мөн таны хүзүү хөөрлийг буулгах болон сул тавихад тус болох юм. Дараа нь 2 гараа ээлж ээлжээр сул тавина уу. Хэрэв хүндрэлтэй байвал эхлээд гараа чангалан дараа нь сул тавина уу. Ийм байдлаар мөр болон хоёр толгойг сул тавьсны дараа алга ба хуруунуудыг сул тавина.
  • Алхам гурав: Гүнзгий амьсгал авч цээжийг сул тавьснаар таны уушги руу агаар орж байгааг мэдэрнэ.
  • Алхам дөрөв: Хөлөө сул тавина уу. Эхлээд гуяыг сул тавьж давлагааг доош нь шилбэ рүү явуулна. Эцэст нь ул хэсэгт анхаарлаа хандуулж сул тавих юм.
  • Алхам тав: Таны биеийн бүх хэсэг тайвширсны дараа оюун ухаанаа цэгцлэх юм. Зохиолч Ллойд Бад Винтер хүндрэл учруулж байгаа бодлуудыг блок хийхийн тулд дараах мөчүүдийг төсөөлөхийг санал болгож байна: Та өөрийгөө тэнгис дунд завин дээр хэвтэж байна гэж төсөөлнө үү. Та дээшээ харвал цэлмэг хөх тэнгэр байна эсвэл Та өөрийгөө зөөлөн хар дүүжин оронд харанхуй өрөөнд маш тухтай хэвтсэнээр төсөөлнө үү. Энэхүү төсөөллүүд болохгүй байвал өөртөө 10 секундийн турш өөртөө “Бүү бодоорой, Бүү бодоорой” хэмээн хэлээрэй.

АНУ-н агаарын цэрэгт танд өгөх дахин хэдэн зөвлөгөө байна. Саад болох зүйлсийг холдуулна уу. (компьютер, зурагт, гар утас г.м.). Өөрийн биеийг сонсож нойр хүрэх, ядарч эхэлмэгц орондоо орно. Мөн ядраагүй байвал орондоо бүү орно уу. Учир нь цагаас өмнө унтах нь хөр хөнөөл учруулж болзошгүй. Унтахдаа дор хаяж цагийн өмнөөс бэлдэнэ үү. Маш их анхаарал шаардсан зүйл хийхгүй байхыг, стрессдэхгүй байхыг зөвлөе. Танд амжилт хүсье.

Бусад мэдээ

Leave a Reply

Back to top button
error: Content is protected !!